Энэхүү төсөл нь хүрээлэн буй орчны сургалтыг боловсронгуй болгохоос гадна Монгол орны хүрээлэн буй орчны асуудал,
түүнийг шийдвэрлэх арга замд анхаарлаа хандуулахад чиглэнэ. Хүрээлэн буй орчин судлал, инженерчлэлийн чиглэлээр бакалавр, магистр, докторын зэрэг олгодог туршлагатай Европын Холбоо (ЕХ)-ны хоёр институт (Унгар улсын Сегедийн их сургууль – USZ болон Финляндын Оулугийн их сургууль – UO) нь Монгол улсын гурван сургууль (Агроэкологи, бизнесийн сургууль – SAB, ХААИС, Монгол улсын их сургууль – МУИС, Монгол-Германы ашигт малтмал, технологийн их сургууль – GMIT)-ийн хүрээлэн буй орчны инженерчлэл (ХБОИ)- ийн бакалаврын хөтөлбөрийг шинэчлэнэ. Мөн МУИС-д хүрээлэн буй орчны инженерчлэлийн магистрын сургалтын хөтөлбөрийг үүсгэж хэрэгжүүлнэ. Энэхүү төслийн хүрээнд Европын түншүүд Монголын сургалтын хөтөлбөрийг шинэчлэх, шинэ хичээл үүсгэж, семинар, лабораторийн түвшинд оруулах, шинэ тараах материал, танилцуулга болон лабораторийн үнэлгээ, Массив Нээлттэй Онлайн сургалт (MOOC)-ийг бэлтгэхээс гадна Монголын гурван их сургуулиудад хүрээлэн буй орчны инженерчлэлийн сургалтын лабораторийг байгуулж сургалтанд ашиглана. Энэхүү төслөөр дамжуулан ХБОИ-ийн магистрын хөтөлбөр шинээр нээгдэж, хүрээлэн буй орчны инженерчлэлийн салбар шинэчлэгдэх, монгол боловсон хүчин (багш, техникч гэх мэт) бэлтгэгдэж, үйлдвэрлэл сургалт хосолсон хөтөлбөрөөр хичээл заагдах юм. Мөн олон нийт, залуу оюутнууд уур амьсгалын өөрчлөлт, орчны тулгамдсан асуудлын шийдвэрлэхийн ач холбогдлын талаар мэдээлэл авснаар оюутнууд ахисан түвшний хөтөлбөрт хамрагдаж, үйлдвэрүүдтэй хамтран ажиллах холбоо бий болж, ЕХ Монголын харилцааг боловсрол, судалгааны үүднээс бэхжүүлэх болно. Төслийн үр дүнг төр, хувийн хэвшлийн мэргэжилтнүүдэд хэрэгтэй багаж хэрэгсэл, мэдлэгийг түгээн дэлгэрүүлэх болно.